ორჰან ფამუქი პირველი თურქი რომანისტია, რომელსაც ნობელის პრემია მიენიჭა. მწერალი 1952 წელს დაიბადა სტამბოლში. „რობერტ კოლეჯის“ დამთავრების შემდეგ არქიტექტურას სწავლობდა, თუმცა საბოლოოდ სწავლას თავი ანება და გადაწყვიტა მწერალი გამხდარიყო. ორჰან ფამუქი არაერთი ბესტსელერის ავტორია, მათ შორის „უმანკოების მუზეუმისა“ და „სტამბოლის“.

„უმანკოების მუზეუმი“ ქართულად 2011 წელს ითარგმნა.  2012 წელს „დიოგენეს ბიბლიოთეკის“ სერიით მწერლის ავტობიოგრაფიული წიგნი „სტამბოლი - მოგონებები და ქალაქი“ გამოიცა (მთარგმნელი თამარ ალფენიძე).